هذي قصه واقعيه حبيت انقلها لكم عشان تعتبرون منها وما تثقون بأي احد ثقه عمياء حتى لو كان قريب,,,
بس راح اغير الأسامي احتراما لاصحاب القصه الحقيقيون,,,
منال بنت حيويه خجوله لأبعد الحدود قلبها طيب وعلى نياتها وهذا اللي موديها ورى الشمس,,,
كانت على طول نشيطه ومأذيتنا بسوالفها اللي ما تخلص (اكيد مو انا رفيجتها لووووووول),,,
بيوم من الأيام كانت مو على طبيعتها وطول الوقت سرحانه وتفكر,,
قربت منها وسالتها عسى ما شر منول شفيج اللي ماخذ عقلج يتهنى بو...
ردت علي بنبره ما تعودت اسمعها منها..
مافيني شي بس متضايقه شوي,,
طبعا انا ما هان علي اخليها بروحها وقعدت احن عليها لين قالتلي السالفه كلها اللي صدمتني بصراحه...
منال:ليش سوت فيني جذي ليش وانا اللي اعتبرتها اختي وامي واهلي وكل شي ليش طعنتني بظهري ليش,,,, وانهارت وقعدت تبجي
واسيتها وخففت عليها وكملت السالفه تلقائيا من نفسها وجنها مكبوته وانفتحلها باب فجأه,,
منال:انا كنت احب ولد خالي وابوس التراب اللي يمشي عليه بس عمري ما قلتله هالشي بحكم اني بنت وعيب اني اقوله هالشي,,,,
كنت اراقب كل خطواته واسأل امي واهلي عنه بطريقه غير مباشره,,,
ولما انخيم بالبر تكون هذي اجمل ايام حياتي لأني راح اضمن اشوفه يوميا,,,,
بكل غرابه سألتها:انا سمعتج تقولين ليش سويتي فيني جذي من كنتي تقصدين,,,
وكأني قطعت عليها اجمل شي في حياتها وذكرتها بأسوء شي شافته,,,,
منال:كانت عندي بنت خاله اكثر من اخت كانت تشاركني حياتي بأدق تفاصيلها كان لما يصيرلي موقف معاه على طول اتصل فيها واقولها شنو صار بالتفصيل الممل....
كنت اشكيلها بعده عني وكانت تواسيني ولما تشوفه على طول تتصل فيني عشان تقولي شنو لابس وشنو قال ومتى طلع من عندهم بحكم انهم اهل (اقصد منال وبنت خالتها وولد خالها)
المهم بعد فتره ما قامت تتصل فيني من بعد ما كانت تتصل فيني يوميا اصلا امي مسميتنا ابر انسولين تقولنا انتوا ما تشبعون من بعض لازم كل يوم جرعه,,,,
صار يوم يومين ثلاث شالسالفه اخاف صاير لها شي اتصلت فيها وقالتلي خالتي انها نايمه والمره اللي بعدها قالتلي طالعه وبعدها قاعده تدرس,,,
لين مليت ونطرتها تدق علي ابروحها بس الغريبه انها ما اتصلت,,,
فيوم من الأيام كنت قاعده ويا امي اسولف معاها جان تقولي ما باركتي حق بنت خالتج ريم ملجت
طبعا انا استغربت وقلت الخايسه ليش ما علمتني انا اوريها ,,,,,
زين يمه منو اخذت؟؟؟؟؟؟؟؟؟؟؟؟؟؟؟؟؟؟؟
اخذت ولد خالج عبدالعزيز,,,,,,,,,,,,,,,,
طبعا انا كنت واقفه عند التليفون عشان ابتصل عليها وازفها لأنها ما علمتني,,,,
طاحت من ايدي السماعه وطحت ع الأرض من قوة الصدمه امي جتني جان تقولي منال اسمله عليج يمه شفيج تبيني اوديج الطبيب,,,
انا ادركت بهالحظه اني راح اخرب مستقبلها اذا تكلمت وقلت اللي بقلبي,,,
صدقيني انا مافكرت بنفسي فكرت فيها لأنها بالنسبه لي كل شي,,,,
منال:لايمه سلامتج بس حسيت بدوخه شوي
رحت لغرفتي وصكيت على نفسي الباب وقعدت ابجي,,,
بجيت على حبي اللي ما اكتمل واللي ذبحته الدنيا قبل لايولد,,,
بجيت على بنت خالتي اللي اعتبرتها توأم روحي وكل شي بالنسبه لي,,
بجيت على نفسي وعلى غبائي لاني ما حسبت حساب هالشي,,,,
قرب العرس وبدت التحضيرات انا قلت لأمي تفصلي على كيفها طبعا امي استغربت هالشي لأني بالعاده ماالبس الا من تصميمي,,,,
بيوم العرس: كلن تزهب وكان العرس من اجمل ما يكون بس انا كنت بعالم ثاني,,
كنت ارقص وامسح دموعي عشان محد يلاحظها
غمزتلي امي يعني شفيج: قلت لها ما ادري شلون بعيش من دونها الحين اهي تزوجت واكيد بتنشغل عني,,,
امي: الله يرزقج انتي بعد انشالله
كلام امي كان مثل السهم اللي يخترق قلبي,,,
دخلة العروس: كانت ريم آيه في الجمال ودخلتها راشد الماجد,,,
ما تحملت اشوفه معاها بالكوشه ورحت اقعد بغرفة العروس ونطرت المعاريس لين طلعوا بعدين جيت
امي: وينج انتي ريم من اليوم تسأل عنج ؟؟؟؟؟
طبعا طلعت لها الف عذر,,,,,
رديت البيت بقايا انسان الكل يكلمني بس ما كنت اسمع ولا شي كل ما التفت حولي اتذكر العرس والكوشه واتخيلهم بغرفه وحده وصاك عليهم باب واحد,,,,
ما اقدر ما اقدر بس ياربي ارحمني الله يسامحج يا ريم....
هذي القصه حيل اثرت فيني وخلتني اعيد حساباتي وما اثق بأي احد ثقه عمياء,,,,
(القصه من ارض الواقع اتمنى انها تعجبكم)
« آخـــر الــمــواضــيــع »
07-10-2010, 07:23 PM
طعنه بالظهر 
